Ynni Lleol Gwyrfai

Ynni glân, lleol – yng nghalon Bro Gwyrfai

Beth yw Ynni Lleol Gwyrfai?

Mae Ynni Lleol Gwyrfai yn glwb ynni cymunedol newydd sbon, wedi’i sefydlu gan griw o wirfoddolwyr lleol o Fro Gwyrfai. Mae’n cysylltu cartrefi a busnesau bach yn uniongyrchol â chyflenwad hydro lleol – gan eich helpu i arbed arian ar drydan, tra’n cefnogi system ynni lleol sy’n wyrddach ac yn fwy gwydn.

Ar hyn o bryd, rydyn ni’n chwilio am tua 10 o gartrefi a busnesau bach lleol i ymuno fel aelodau sylfaenol y clwb.

Pam ymuno?

• Talu llai am eich trydan drwy ddefnyddio ynni sy’n cael ei gynhyrchu’n lleol

• Cefnogi’ch cymuned – gan gadw’r buddion o’r ynni yma yn lleol

• Helpu’r blaned drwy ddefnyddio ynni adnewyddadwy o gynllun hydro lleol

• Bod yn rhan o rywbeth newydd – a chynorthwyo i lunio dyfodol ynni lleol a thecach

Allwch chi ymuno?

Gallwch ymuno os ydych chi’n:

• Byw o fewn y ffiniau sy'n ymddangos ar y map wrth ochor

• Fod â mesurydd clyfar neu fod yn hapus i gael un wedi’i osod

• Gallu newid eich cyflenwr trydan i’n partner, 100Green

• Barod i gefnogi prosiect newydd – gyda’r ddealltwriaeth y gall fod ambell beth i’w lyfnhau i ddechrau

Os ydych chi’n meddwl bod hyn yn addas i chi, byddem wrth ein bodd yn clywed gennych.

Cliciwch ar y botwm isod i gofrestru’ch diddordeb: